Pigion Mwy o Cip Athrawon Am gysylltu? Sut i archebu?

LLYTHYRON		MIS CHWEFROR

Annwyl Cipyn,
Helô, fy enw i yw Aneurin ac rwy’n naw oed. Rwy’n byw yn Llanrhaeadr ym Mochnant. Rydw i yn mynd i Ysgol Pennant, Penybont Fawr. Fy ffrindiau gorau yw James, Rob, Jake ac Arthur fy nghefnder.
Hwyl fawr Cipyn!
Aneurin Jones

Annwyl Cipyn Caws,
Helô, fy enw i yw Ben. Dwi’n naw oed. Dwi’n byw yn Hirnant. Fy ffrindiau gorau yw Tomos a Joe. Mae gen i ddau frawd – Tom a Sam. Mae Sam yn chwarae criced i Sir Amwythig. Dwi’n hoffi Cip yn fawr iawn. Fy hoff dimau pêl-droed yw Lloegr a Chymru.
Hwyl fawr,
Ben Roberts

Annwyl Cipyn,
Fy enw i yw Bradley. Rwyf yn mynd i Ysgol Pennant. Fy ffrindiau i yw Gus, Tristan, Llion, Rhys, Nat a Scott. Dwi’n hoffi'r pwnc Saesneg. Fy hoff dimau pêl-droed yw Cymru a Manchester United. Dwi’n hoffi chwarae pêl-droed, Monopoly a gêmau cyfrifiadur. Mae gennyf bum anifail anwes, dwy gath, dwy lygoden fawr ac un gwningen.
Hwyl fawr gan
Bradley Merchant

Annwyl Cipyn,
Fy enw i yw Catrin. Rwy’n 10 oed ac yn byw gyferbyn yr ysgol. Rwy’n hoff iawn o Cip yn enwedig y jôcs. Fy ffrind gorau yw fy nghyfnither Sioned oherwydd mae hi’n ddoniol. Mi fuaswn yn hoff iawn o fynd i Sbaen. Fy hoff dîm pêl-droed yw Man U.
Hwyl am y tro,
Catrin Jones

Annwyl Cipyn,
Dwi wedi bod yn brysur y gwyliau’r haf ‘ma efo’r eisteddfod a phethau. Ond dydd Gwener, 28 o Awst, wnes i fynd ar wyliau gyda chybiau am ddwy noson, ond roedd o’n dipyn o wyliau swnllyd. Fy hoff chwaraeon yw criced, a dwi’n chwarae i Groesoswallt weithiau. Rwy’n edrych ymlaen at y Cip nesa.
Hwyl fawr,
Edmund Layland

Annwyl Cipyn,
Fy enw i yw Emma Beech. Dwi’n mynd i Ysgol Pennant ym Mhowys. Dwi’n 10 mlwydd oed. Mae gen i un brawd o’r enw Daniel, un ci o’r enw Tyson ac aderyn o’r enw Spike. Fy hoff bwnc yn Ysgol Pennant yw Mathemateg. Fy hoff ganwr pop yw Christina Aguilera.
Hwyl fawr,
Emma Beech

Annwyl Cipyn,
Fy enw i yw Huw. Rwyf yn 8 oed. Rwy’n byw yn Cefn Coch. Rwy’n mynd i Ysgol Pennant. Fy hoff dîm pêl-droed yw Cymru a Manchester United. Rwy’n hoffi chwarae rygbi. Rwy’n cefnogi Cymru. Fy ffrindiau gorau yw Tomos Evans, Llion Vaughan a Rhys. Rwy’n hoffi bwyta crempog a sglodion.
Hwyl,
Huw Worthington

Annwyl Cipyn,
Helô, fy enw i yw Iwan. Dwi’n 9 oed. Rwy’n byw yn Llangynog. Dwi’n hoffi chwarae pêl-droed. Fy hoff dîm yw Cymru. Mae gen i dri chi a dwi’n byw ar ffarm o’r enw Llwyn Onn. Fy ffrindiau gorau yw Llion, Llion Vaughan, Tom, Tomos, Joe, Jake a Robert.
Hwyl,
Iwan Davies

Annwyl Cipyn,
Helô, fy enw i yw Jake. Dwi’n 9 oed. Cefais fy ngeni yn Lloegr ac rydw i’n byw yng Nghymru. Fy hoff gomig yw Cip. Fy hoff chwaraeon yw pêl-droed. Mae gen i gath o’r enw Swoop a chi o’r enw Scooby Doo.
Hwyl fawr,
gan Jake Fox

Annwyl Cipyn,
Helô! Fy enw i yw Joe ac rwy’n naw oed. Rwy’n byw yn Penybont Fawr. Fy hoff bwnc yn ysgol yw hanes. Dwi’n cefnogi Cymru a Manchester United. Mae gen i chwaer sy’n 15 oed. Fy ffrindiau gorau yw Tomos, Iwan, Huw, Tom a Ben. Fy hoff grwp pop yw Busted.
Hwyl am rwan,
Joe Makinson

Annwyl Cipyn,
Helô, Llion sy yma o Ysgol Penybont Fawr. Dwi’n hoffi pêl-droed, fy hoff dimau yw Cymru a Man U. Fy ffrindiau gorau yw Tom, Huw, Joe a Llion Vaughan. Mae Huw yn hoffi pêl-droed a rygbi a’i hoff fwyd e yw crempogau a sglodion. Mae Joe yn hoffi pêl-droed a Play Sation ac mae’n hoffi lasagne. Mae Llion yn hoffi pêl-droed a merched a jocio gyda’r bechgyn. Mae Tom yn hoffi rygbi, criced a phêl-droed.
Wel hwyl am y tro,
Llion Evans

Annwyl Cipyn Caws,
Helô, fy enw yw Llion. Dwi’n ddeg oed. Fy hoff dîm pêl-droed yw Man U.!!! Fy hoff bwnc yw Ymarfer Corff. Fy hoff grwp pop yw Busted achos maen nhw’n canu "What I go to School For". Dwi’n hoffi Robbie Williams yn canu’n unigol achos dwi’n hoffi pob peth mae o’n canu.
Ta ta am rwan,
Llion Vaughan

Annwyl Cipyn,
Helô! Lowri sy 'ma. Dwi’n ddeg oed ac yn mynd i Ysgol Pennant. Fy ffrindiau yw Jade, Emma, Heidi a Catrin. Mae gen i frawd o’r enw Tomos sydd yn wyth oed ac sydd yn boen! Fy niddordebau yw nofio, hel clecs, siopa, cefnogi Cymru a darllen Cip!
Hwyl am y tro!
Lowri Jones

Annwyl Cipyn,
Helô!! Fy enw i yw Rhys ac rwy’n ddeg oed. Fy hoff grp pop yw Stereophonics. Fy mhwnc yw Cymraeg a Chelf. Rwy’n chwarae pêl-droed i’r tîm yr ysgol. Fy hoff glwb yw Dinas Caerdydd, a hoff chwaraewr yw John Hartson. Rwy’n darllen Cip bob mis ac yn hoff iawn o’r posau.
Gan dy hoff ffan,
Rhys Evans

Annwyl Cipyn,
Fy enw i ydy Tomos. Dwi’n naw oed, dwi’n mynd i Ysgol Pennant. Fy hoff bwnc yw Hanes. Dwi’n hoffi pêl-droed a rygbi. Mae gen i chwaer o’r enw Catrin, ond mae hi wedi dechrau Ysgol Uwchradd Llanfyllin. Fy hoff ffrindiau ydy Joe, Iwan a Huw. Fy hoff grwp pop yw Stereophonics.
Hwyl am y tro,
Tomos Evans

Annwyl Cipyn,
Helô, fy enw i yw Tristan. Rwy’n ddeg oed. Mae gen i chwaer o’r enw Kylie sy’n 16 ac efeilliaid sy’n 6 oed o’r enw Emily a Francesca, dau frawd o’r enw Lewys sy’n 14 mlwydd oed a Laurence sy’n 12 mlwydd oed. Dwi’n mynd i Ysgol Pennant, Penybont Fawr.
Ta ta Cipyn,
Tristan Curteis