Taflen athrawon iaw! Hydref 2005
Croeso i iaw! mis Hydref. Cofiwch fod y daflen
hon ar safle'r Urdd ar y we - urdd.org Mae croeso i chi argraffu copïau
ychwanegol ohoni i staff eich adran. Byddem yn falch o dderbyn eich
sylwadau ar y cylchgrawn ac ar y daflen hon eleni, er mwyn sicrhau bod yr
adnoddau hyn yn cael y defnydd gorau yn eich gwersi. Diolch am ddefnyddio'r
cylchgrawn eleni.
Tudalennau 1 8 9 Clawr a Jem
Gofynnwch i'r dosbarth ydyn nhw'n adnabod y ferch ar y clawr. Chwaraewch un o draciau Jem i'r dosbarth cyn gwneud gwaith arni. Cyn darllen yr erthygl amdani rhowch y brawddegau canlynol i'r dosbarth, a dylen nhw benderfynu, mewn grwpiau, pa ffeithiau sy'n gywir.
- Albwm gyntaf Jem ydy Finaly Woken.
- Enw iawn Jem ydi Jemma Jones.
- Mae Jem yn 22 oed.
- Wish I oedd thema'r rhaglen deledu Big Brother.
- Canodd Jem yn Glastonbury ac yn V dros yr haf.
- Astudiodd Jem y gyfraith ym Mhrifysgol Brighton.
- Mae Britney yn canu un o ganeuon Jem - Nothing Fails.
- Cân Jem, Come on Closer, oedd trailer Desperate Housewives yn America.
Atebion: 1. cywir 2. Enw iawn Jem ydi Jemma Grifiths. 3. Mae Jem yn 29 oed. 4. Wish I oedd thema Celebrity Love Island 5. Cywir. 6. Cywir. 7. Madonna sy'n canu Nothing Fails. 8. Cywir
Tudalennau 3 George yn casglu mwyar duon
Cyn darllen cartŵn George dangoswch gopi i'r dosbarth gan guddio'r Geirfa ar waelod y dudalen. Gan edrych ar y lluniau gofynnwch beth ydy mwyar duon, beth ydy powlen, tarw, tarten, gwenyn ac yn y blaen.
Tudalennau 10 11 Smygu
Rhowch y brawddegau hyn i'r dosbarth i fatsio hanner cyntaf ac ail hanner y brawddegau.
1. Ar hyn o bryd, mae hi'n anghyfreithlon…
2. Ond, mae 70% o bobl ifanc Prydain o dan 16 oed…
3. Mae tua 17 miliwn o sigaréts yn cael eu hysmygu…
4. Mae pobl ifanc o dan 16 oed yn …
5. Mewn arolwg diweddar gan y BBC, dywedodd 4 allan o 5 y dylai fod…
a. …yn anghyfreithlon i werth sigaréts i bobl o dan 18 oed.
b. …yn dweud bod prynu sigaréts yn hawdd.
c. …gwerthu sigaréts i blant dan 16 oed.
ch. …gan bobl ifanc dan 16 oed bob wythnos.
d. …gwario tua £135 miliwn ar sigaréts bob blwyddyn.
Tudalennau 14 15 Cyfweliad Jacob
Ar ôl darllen y stori gofynnwch i'r
disgyblion ddychmygu mai nhw ydy Jacob. Dylen nhw ysgrifennu pedwar diwrnod
o ddyddiadur fel a ganlyn. Diwrnod 1 - Diwrnod derbyn y llythyr yn
ei wahodd i gyfweliad. Diwrnod 2 - Diwrnod y stori. Diwrnod
3 - diwrnod ar ôl y stori - diwrnod y cyfweliad go iawn.
Diwrnod 4 - Wythnos ar ôl diwedd y stori - ar ôl ei ddiwrnod cyntaf yn
gweithio yn y siop.
Mis Tachwedd yn iaw!
· Haka Seland Newydd
· Trafod bwyd ysgol
· Rhieni
· Siopa ar y we