Tudalen 5 Scrabble yn Gymraeg

Cyn darllen yr erthygl yma, rhowch y ffigyrau canlynol ar y bwrdd gwyn/ du.  Dywedwch bod y ffigyrau i gyd yn ymddangos mewn erthygl ar gêm Scrabble newydd yn y Gymraeg.  Dyfalwch  gyda'r dosbarth beth ydi arwyddocâd y ffigyrau i gyd: 29, 1932, 1,800,000, 121, 100 miliwn, 1991, 1952.  Ar ôl dyfalu esboniad i bob rhif, rhowch y dewisiadau canlynol i'r dosbarth, a dylai pawb fatsio un rhif gydag un ffaith.  Wrth ddarllen yr erthygl cewch weld pwy sydd wedi dyfalu yn gywir

1. Blwyddyn cynnal Pencampwriaeth y Scrabble y Byd am y tro cyntaf.  (1991)

2. Blwyddyn dyfeisio Scrabble.  (1932)

3. Blwyddyn gwerthu Scrabble yn siop Macy's yn Efrog Newydd am y tro cyntaf.  (1952)

4, Mae Scrabble ar gael mewn ______ iaith.  (29)

5. Mae Scrabble ar werth mewn ______ gwlad. (121)

6. Y nifer o eiriau gafodd eu bwydo i gyfrifiadur i baratoi'r Scrabble Cymraeg. (1,800,000)

7. Y nifer o setiau Scrabble sydd wedi eu gwerthu dros y byd. (100 miliwn)

Tudalen 6 7 Gweithlen Y Parti

Rhowch ddarn o bapur A4 i bob disgybl.  Dywedwch wrthynt ddychmygu eu bod nhw mewn parti Nadolig.  Ble mae'r parti?  Mae'r disgyblion yn ysgrifennu ar y papur, ei blygu, yna'i roi i'r person ar y dde.  Holwch pa ddyddiad mae'r parti?  Faint o'r gloch mae'r parti'n dechrau?  Pwy sydd yn y parti?  Pa fwyd sydd yn y parti?  Pa gerddoriaeth sydd yn y parti?  Faint o'r gloch mae'r parti'n gorffen?  Mae'r disgyblion yn sgwennu ateb i bob cwestiwn, yn plygu'r papur a'i basio mlaen.  Ar y diwedd mae'r disgyblion yn darllen yr atebion.  Gofynnwch ydych chi'n hoffi'r parti?  Pam? Pam ddim?

Tudalennau 8 9 Catrin Finch

Gwnewch gopïau o'r erthygl, gan dorri'r wybodaeth ar dudalen 9 yn gwestiynau ac atebion.  Rhowch set o'r cwestiynau a'r atebion i bob grwp a dweud wrth y disgyblion ail adeiladu'r cyfweliad.

Tudalennau 14 15 Little Britain

Dangoswch glawr iaw! i'r dosbarth a holi pwy sy'n hoffi Little Britain.  Gofynnwch iddyn nhw enwi eu hoff gymeriadau ar y sioe.  Os oes rhai disgyblion sydd ddim yn edrych ar y gyfres gofynnwch i rai o'r ffans ddweud ychydig am y gyfres wth y gweddill.  Gallwch ddangos pwt o'r rhaglen i'r dosbarth efallai.  Mae gweithgaredd pellach ar ochr arall y daflen hon. 
 

  Mis Ionawr yn iaw!

·         Colin Jackson yn Strictly Come Dancing

·         Llysieuwyr

·         Gemau Olympaidd Llundain