Tudalen 2 Yn y post!

Rhannwch y dosbarth yn grwpiau o wyth a dywedwch wrthy disgyblion ddewis un llythyr yr un.  Dylen nhw ddarllen y llythyr hwnnw yn unig, astudio'r llythyr am rhyw bum munud yna adrodd y cynnwys yn ôl i weddill y grwp.  Heb edrych eto ar yr erthygl, dylai'r grŵp geisio penderfynu pa lythyrwr sy'n dweud pob un o'r canlynol:

1. Mae gwallt brown a llygaid brown gyda fi, ac mae fy mhen-blwydd ar 18 Rhagfyr.
2. Rwy'n hoffi rygbi a Thechnoleg, ac mae un brawd gyda fi.
3. Dw i'n un o saith o blant a dw i'n hoffi Busted a The Simpsons.
4. Dw i  ddim yn hoffi Frangeg, a dw i'n byw yn Cwmaman.
5. Dw i'n hoffi Coronation Street, a Chris ydy enw dad.
6. Dw i'n byw yn Abercwmboi, mae'n gas 'da fi rygbi ond dw i'n hoffi Little Britain.
7. Mae chwech anifail anwes gyda di a fy hodd athrawes ydy Mrs Morgan.
8. Mae gen i chwaer, llys chwaer a llys frawd - Tia, Sammy a Joshua, a dw i'n hoffi siopa.

Tudalen 3 George yn y ffair

Ar ôl darllen cartŵn George gall y disgyblion ysgrifennu stori am eu hymweliad nhw â'r ffair.

Tudalen 4 Siopa ar y we neu beidio

Ar ôl darllen erthygl Lori rhannwch y dosbarth yn grwpiau i drafod beth mae Lori yn ddweud.  Dylen nhw adrodd nôl i weddill y dosbarth ar y pwyntiau canlynol:

Pwy yn y grwp sydd wedi siopa ar y we?

Enwch dair mantais o siopa ar y we.

Tudalennau 8 9 Haka Caerdydd

Ar ôl darllen yr erthygl am Seland Newydd beth am holi'r disgyblion, mewn grwpiau, i lunio eu haka eu hunain ar gyfer un o dimau chwaraeon eich ysgol chi?  Gallan nhw ymarfer yr haka ac wedyn ei pherfformio hi i weddill y dosbarth.  Fel gwaith cartref gall y disgyblion ffeindio tair ffaith am Fiji, De Affrica ac Awstralia i'w rhannu efo gweddill y dosbarth cyn y gemau rygbi hynny.

Tudalennau 10 11 Bwyd Ysgol

Dywedwch wrth y disgyblion ysgrifennu beth gawson nhw i ginio ysgol heddiw?  Gallan nhw gadw dyddiadur bwyd am dri diwrnod i weld ydyn nhw'n bwyta'n iach.  Gall y disgyblion llai hyderus lunio bwydlen cinio ysgol delfrydol.