Ymweliad a Cartref Plant yn Legnicia, Gwlad Pwyl, Gorffennaf 2002

Yn syml roeddem am fynd allan i aros mewn cartref oedd wedi ei darparu ar gyfer 67 o blant amddifad.  Y bwriad pennaf oedd gwneud ffrindiau newydd, cymdeithasu a chynorthwyo i wella ychydig ar eu safonau byw gyda'r arian gasglwyd ar eu cyfer.

Roedd y plant yn blant amddifad.  Yr oedd gan y cartref lwfans o £10 y mis i ddilladau, bwydo ac addysgu’r plant.  Er hyn roedd eu croeso a’u cyfeillgarwch yn arbennig. Cyn hir roeddent wedi dysgu criw yr Urddaholics i gyfri ym Mhwyleg, dweud helo, nos da, diolch ac yn y blaen.

Roeddent hyd yn oed yn ein dysgu i ganu (wel…trio canu ta beth!)

Llwyddwyd i brynu ystafell gyfan o gyfrifiaduron, 5 cyfrifiadur yn cynnwys cadeiriau, byrddau, paent a rhoddion. Yn ogystal â hyn gyda'r arian oedd yn weddill mae rhai o blant y cartref yn ffodus i gael y cyfle i ddod i Gymru a threulio ychydig o amser yng ngwersyll Llangrannog, haf eleni.

Yr oedd y daith yn un hynod lwyddiannus.  Yr oedd nifer or criw yn emosiynol iawn wrth ymadael.  Yr oedd un peth yn sicr cafodd pob un brofiadau bythgofiadwy.

Ym mis Hydref 2002 derbyniodd y criw Wobr Ragoriaeth am Waith Ieuenctid yng Nghymru gan Gyngor Ieuenctid Cymru am eu gwaith da ym Mae Caerdydd. Cyflwynwyd y wobr gan Jane Davidson.

Yn ddiweddar bu criw Ystalyfera draw i weld MP Peter Hain  i ddatgan eu pryder ynglyn â stad y cartrefi ar stad ariannol sydd yng Ngwlad Pwyl. Bu trafodaeth fawr ynglyn â beth allent wneud i helpu.

Ddiwedd mis Mawrth 2003 derbyniodd criw Gwynllyw wobr (ardal Torfaen) am eu gwaith rhagorol yng Ngwlad Pwyl. Roedd hi’n noson arbennig iawn yn Neuadd y Sir, Cwmbran lle derbyniwyd y wobr gan Rhodri Morgan MP AM, Prif Ysgrifennydd y Cynulliad.

Mae’r prosiect yn datblygu o ddydd i ddydd!

Peter Hain a chriw Ystalyfera

Noson Gwobr Rhagoriaeth Gwaith Ieuenctid yng Nghymru

Noson wobrwyo Gwent, criw Gwynllyw gyda Rhodri Morgan