Ym mis Mai eleni recordiwyd rhaglen Dechrau Canu Dechrau Canmol ar thema Neges Heddwch ac Ewyllys Da yr Urdd o wersyll yr Urdd yn Glan-llyn.   Gwelwyd côr plant Ysgolion Betws Gwerfyl Goch a Dinmael yn canu a Chôr Aelwyd Bro Gwerfyl. Rhoddodd Branwen Niclas o Cymorth Cristnogol sgwrs i blant Ysgol Gynradd Nefyn am fywyd Shompa sy'n byw yn Calcutta. Roedd yr emynau cynulleidfaol yn dod o Nefyn a sgwrsiwyd gyda aelodau o Aelwyd Bro Gwerfyl am eu teimladau nhw ynglyn â chynnal yr arfer o anfon Neges Heddwch ac Ewyllys Da yr Urdd bob blwyddyn. Roedd yn raglen llwyddiannus iawn.