Seminar Yr Ifanc
Ymweliad a chynhadledd arbennig yn Romania
Mae cyfleoedd arbennig iawn ar gael i Urddaholics! fod yn rhan o
weithgareddau rhyngwladol drwy’r Urdd. Mae cyfle yn dod i’r amlwg yn
aml erbyn heddiw i gael cymryd rhan neu hyd yn oed drefnu
gweithgareddau rhyngwladol. Drwy drefnu taith gyfnewid, gwaith
gwirfoddol dramor neu fynychu prosiectau arbennig, fe allwch chi
ymestyn eich gorwelion a rhoi Cymru a’r Urdd ar y map a chael
cyfleoedd arbennig iawn yn dysgu am ddiwylliannau eraill.
Yn Romania bu i’r Urdd fynychu seminar ar gyfer
mudiadau pobl ifanc i greu cysylltiadau rhyngddynt, gyda’r nod o
gydweithio yn y dyfodol. Mae nifer fawr o gysylltiadau wedi digwydd
ers hyn gyda Gwlad Pwyl, Norwy, Y Weriniaeth Siec a’r Eidal.
Yn ystod y seminar a gynhaliwyd yn ardal brydferth
Transylfania – cartref yr enwog Draciwla! – bu trafodaethau mawr mewn
gweithdai yn trafod teithiau cyfnewid, prosiectau arbennig a
rhwydweithio. Cafwyd hefyd gyfle i ymweld a chartref plant Romani ac
Ysgol Uwchradd leol, gweithdai rhyngwladol o ddawns, drama a
cherddoriaeth, ac hefyd parti mawr gyda pawb wedi cyfrannu bwyd
arbennig o’u gwlad eu hunain.
Mynychwyd y seminar hwn gan Urdd Gobaith Cymru
gyda mudiadau gwirfoddol ieuenctid eraill o Bortiwgal, Yr Almaen, Yr
Eidal, Y Weriniaaeth Siec, Gwlad Pwyl, Slovania, Norwy a Romania.
 |
