Croeso!  Dyma awgrymiadau ar sut i ddefnyddio
Bore Da mis Ionawr ymhellach yn y dosbarth. 

Themâu mis Ionawr ydy eich ardal, y dref,
teithio, Dwynwen, Blwyddyn Newydd Dda
a'r tymhorau.

View in English

Clawr Cwis

Rhannwch y dosbarth yn grwpiau bychan.  Rhowch bum munud iddyn nhw astudio'r clawr, yna casglwch y copïau.  Ddarllenwch y cwestiynau isod i'r dosbarth a dylai'r timau ysgrifennu'r atebion.

1. Beth ydi lliw'r gair 'bore'?
2. Beth ydy pris Bore Da?
3. Pa liw ydy tei bo Harri?
4. Pwy sydd gyda Harry?
5. Llun pa dymor sydd ar y clawr?
6. Pa liw ydy het y dyn eira?
7. Beth ydy trwyn y dyn eira?
8. Pa liw ydy'r gobennydd?

Tudalen 2 Celt y Ceiliog

Gwnewch lungopïau o'r cartwn gan ddefnyddio paent gwyn i guddio'r testun a rhoi un copi i bob grwp.  Ysgrifennwch y testun, gan gymysgu'r drefn, ar y bwrdd du/ gwyn.  Tasg y grwpiau ydi penderfynu pa destun sy'n mynd gyda pha lun.

Tudalen 3 Gweithlen 1 Blwyddyn Newydd Dda! 

Ar ôl gwneud y weithlen gall y plant dynnu llun eu hadduned blwyddyn newydd nhw, ac ysgrifennu Fy adduned blwyddyn newydd i ydy… o dan y llun.

Tudalen 6 7 Annwyl Celt y Ceiliog  Dewiswch rai o'r brawddegau mae'r plant yn eu defnyddio yn y llythyron.  Ysgrifennwch y brawddegau, a'u torri fyny yn eiriau unigol.  Rhowch y geiriau i bob brawddeg mewn amlen ar wahân.  Rhowch amlen i bob grwp a dywedwch wrth y disgyblion ail adeiladu'r brawddegau gan roi'r geiriau yn y drefn gywir.  Atgoffwch nhw i ddefnyddio unrhyw gliwiau mae'r atalnodi yn ei roi iddynt. 

Tudalen 8 9 Poster Y Tymhorau  Rhowch y rhestr eiriau ganlynol i'r dosbarth.  Rhaid iddyn nhw benderfynu i ba lun mae pob gair yn perthyn - llun y gwanwyn, yr haf, yr hydref neu'r gaeaf barcud; blodau; cap a sgarff; cregyn; dail yn  cwympo; dyn eira; haul poeth; môr; ŵyn bach

Tudalen 10 Gweithlen 2 Y Dref

Ar ôl gwneud y weithlen ac ymarfer rhoi cyfarwyddiadau, ysgrifennwch enwau llefydd ac ystafelloedd yn yr ysgol ar ddarnau o bapur a'u plygu a'u rhoi mewn amlen fawr.  Gofynnwch i ddau ddisgybl ddod i'r blaen a dewis enw yr un o'r amlen.  Rhaid iddyn nhw esbonio i weddill y dosbarth ble maen nhw, rhoi cyfarwyddiadau i'r ail le, a dylai'r dosbarth ddyfalu i ble maen nhw'n mynd.

Tudalennau 11 Posau a Gwobrau

Anfonwch y posau at Bore Da, Swyddfa'r Urdd, Ffordd Llanbadarn, Aberystwyth, SY23 1EY erbyn 31 Ionawr. Mae llu o wobrau i'w hennill a bydd enw’r enillwyr a’r ysgol yn ymddangos yn Bore Da.

Tudalen 14 15 Criw'r Bys Stop

Ar ôl darllen y stori rhowch grid fel y canlynol i'r disgyblion ei lenwi.