Croeso i daflen athrawon Bore Da mis Mehefin 2006.
Croeso! Dyma awgrymiadau ar sut i ddefnyddio
Bore Da mis Mehefin ymhellach yn y dosbarth.
Themâu mis Mehefin ydy gwyliau, chwaraeon,
Cwpan y Byd Pêl-droed, Sioe Llanelwedd
a gwledydd y byd.
Tudalen 3 Gweithlen 1 Chwaraeon
Ar ôl i'r plant gwblhau'r weithlen dywedwch wrthynt, mewn parau, baratoi gweithlen eu hunain gan ddilyn yr un patrwm a meddwl am yr offer gwahanol sydd ei angen ar gyfer amrywiol chwaraeon, er enghraifft pêl, beic, gwialen, bat, gogls, helmed, bwts.
Tudalen 4 5 Dei Diog
Eisteddwch mewn cylch a
chwaraewch gêm cofio. Rhaid i un ddisgybl ddechrau drwy ddweud
"Dw i'n mynd i'r Almaen am wyliau.” Yna dylai'r disgybl nesaf ddweud "Mae
xx yn mynd i'r Almaen a dw i'n mynd i America ar wyliau…" ac felly yn y
blaen.
Ar ôl i’r plant ddarllen
y cartŵn, gofynnwch iddynt sgwennu cerdyn post gan Dei Diog a Nain at
ei fam.
Tudalen 8 9 Cwpan Pêl-droed y Byd
Rhowch enwau'r gwledydd i gyd mewn het, gan roi ambell enw i mewn mwy nag unwaith fel bod un ar gyfer pob aelod o'r dosbarth. Fesul un gall y disgyblion ddewis enw gwld o'r het. Gofynnwch iddyn nhw ddefnyddio'r we i ffeindio gwybodaeth a gwneud poster yn hysbysebu eu gwlad nhw. Dylen nhw hefyd ddilyn taith y wlad honno yn y gystadleuaeth a'ch helpu chi i lenwi'r siart bob bore ar ôl gemau. Gall y dysgwyr gorau ddweud brawddeg neu ddwy am eu gwlad wrth weddill y dosbarth ar y bore yn dilyn neu cyn gêm.
Tudalen 10 Gweithlen 2 Gwyliau Delfrydol
Ar ôl ateb y cwestiynau ar y weithlen gofynnwch i'r plant ddefnyddio'r brawddegau i ysgrifennu am eu gwyliau delfrydol. Gallan nhw hefyd dynnu llun eu gwyliau delfrydol.
Tudalennau 11 Posau a Gwobrau
Anfonwch y posau at Bore Da, Swyddfa'r Urdd, Ffordd Llanbadarn, Aberystwyth, SY23 1EY erbyn 1 Gorffennaf. Mae llu o wobrau i'w hennill a bydd enw’r enillwyr a’r ysgol yn ymddangos yn Bore Da.
Tudalen 12 Gwyliau George
Paratowch restr o bob math o ddillad a rhoi pob enw dilledyn ar ddarn o bapur A4. Rhowch ddarn o bapur yr un i'r plant a dywedwch wrthyn nhw dynnu llun y dilledyn arno. Yna, ar y bwrdd du ysgrifennwch Gwyliau ar y traeth yn Sbaen a dylai pob plentyn sy'n meddwl bod angen pacio ei ddilledyn ef ddod i flaen y dosbarth gyda'u poster. Gwnewch yr un peth gyda Gwyliau sgïo yn Awstria, Gwyliau gwersylla yng Nghymru, Gwyliau cerdded yn yr Alban, Gwyliau hwylio yn Ynysoedd Groeg ac yn y blaen.
Tudalen 13 David Davies
Cyn darllen yr erthygl gwnewch gopïau o'r bocs Geirfa a'i dorri fyny yn eiriau Cymraeg a geiriau Saesneg. Rhowch set o eiriau ym mhob amlen a rhowch amlen i bob grwp. Tasg y grwp ydi ail adeiladu'r bocs, a matsio'r gair Cymraeg gyda'r gair Saesneg. Wedyn pan awn nhw ati i ddarllen yr erthygl byddant yn gyfarwydd gyda'r eirfa anodd.
Tudalen 14 15 Criw'r Bys Stop
Ar ôl darllen y stori dywedwch wrth y plant ddewis un o gymeriadau'r criw ac ysgrifennu tri diwrnod o ddyddiadur gwyliau y person hwnnw - byddai brawddeg y dydd yn ddigon.
Bydd Bore Da yn ôl ym
mis Medi.